جو بھی درون دل ہے وہ باہر نہ آئے گا

جو بھی درون دل ہے وہ باہر نہ آئے گا

Poet: Ahmed Faraz

By:Bilalk

جو بھی درون دل ہے وہ باہر نہ آئے گا 
اب آگہی کا زہر زباں پر نہ آئے گا 

اب کے بچھڑ کے اس کو ندامت تھی اس قدر 
جی چاہتا بھی ہو تو پلٹ کر نہ آئے گا 

یوں پھر رہا ہے کانچ کا پیکر لیے ہوئے 
غافل کو یہ گماں ہے کہ پتھر نہ آئے گا 

پھر بو رہا ہوں آج انہیں ساحلوں پہ پھول 
پھر جیسے موج میں یہ سمندر نہ آئے گا 

میں جاں بلب ہوں ترک تعلق کے زہر سے 
وہ مطمئن کہ حرف تو اس پر نہ آئے گا